منتديات ابناء منطقة الهدى

اهلا بك ايها الزائر الكريم شرفتنا ونورتنا يزيارتك.
ملحوظه : عند التسجيل الرجاء كتابة الاسم الحقيقى كاملا
(لا للاسماء المستعارة من اجل مزيدا من التواصل)
و نرجو ان تجد ما هو مفيد


مرحبا بك يا زائر نور المنتدى بوجودك
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

معا لترقية مستشفي الهدى معا لترقية مستشفي الهدى معا لترقية مستشفي الهدي معا لترقية مستشفي الهدى

المواضيع الأخيرة
            goweto_bilobedلكم التحية اين انتمالثلاثاء 18 يوليو 2017 - 4:15 من طرف عزالدين حسن محمد            goweto_bilobedعودة بلا خروجالسبت 30 أبريل 2016 - 14:06 من طرف صديق الماحي            goweto_bilobedسلام مربع السبت 30 أبريل 2016 - 14:04 من طرف صديق الماحي            goweto_bilobedد/تهاني تور الدبة تدق أخر مسمار في نعش مشروع الجزيرةالخميس 25 فبراير 2016 - 1:14 من طرف عادل خياري            goweto_bilobedمعا لترقية مستشفي الهدىالأربعاء 10 فبراير 2016 - 17:58 من طرف عادل خياري            goweto_bilobedهل يمكن رجوع المنتدي لي عهده الأول الثلاثاء 9 فبراير 2016 - 0:21 من طرف عادل خياري            goweto_bilobedالدلالات الرمزية في مختارات الطيب صالح: "منسي: إنسان نادر على طريقته!"الإثنين 26 أكتوبر 2015 - 18:22 من طرف الصادق احمد محمد امام            goweto_bilobedتحية بعد غيابالسبت 24 أكتوبر 2015 - 5:17 من طرف صديق الماحي            goweto_bilobedتهنئة بعيد الأضحى المباركالجمعة 25 سبتمبر 2015 - 20:00 من طرف صديق الماحي            goweto_bilobedشباب المنتدى المستشفى يناديكمالأربعاء 16 سبتمبر 2015 - 18:36 من طرف عادل خياري            goweto_bilobedتوحيد خطبة الجمعه لنفرة المستشفىالأربعاء 16 سبتمبر 2015 - 18:20 من طرف صديق الماحي            goweto_bilobedدكتور اسلام بحيرى وتغيير الفكر الدينى السبت 15 أغسطس 2015 - 5:16 من طرف صديق الماحي            goweto_bilobedمعقولة بس ... فى ناس كدة الخميس 13 أغسطس 2015 - 12:38 من طرف عادل خياري            goweto_bilobedيعني نسيتنا خلااااصالخميس 13 أغسطس 2015 - 12:35 من طرف عادل خياري            goweto_bilobedبيت البكى ااااااااااالثلاثاء 4 أغسطس 2015 - 6:59 من طرف عزالدين حسن محمد            goweto_bilobedالحاجه فاطمه بت النذير في ذمة اللهالثلاثاء 4 أغسطس 2015 - 6:49 من طرف عزالدين حسن محمد            goweto_bilobedمتجرسيييييييييييييييييين رمضان الإثنين 13 يوليو 2015 - 12:03 من طرف صديق الماحي            goweto_bilobedحقيقة الكيزان الثلاثاء 7 يوليو 2015 - 0:55 من طرف صديق الماحي            goweto_bilobedشتان مابين رمضان هنا ورمضان هناك الأربعاء 1 يوليو 2015 - 22:08 من طرف صديق الماحي            goweto_bilobedشمس رمضان دي اظنهاالسبت 20 يونيو 2015 - 18:31 من طرف عادل خياري

شاطر | 
 

 تقول لِى شنو !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mohammed.eldawi
 
 
avatar

عدد المساهمات : 140
تاريخ التسجيل : 12/04/2013
المزاج : الحمد لله على كل حال

مُساهمةموضوع: تقول لِى شنو !    الإثنين 29 أبريل 2013 - 6:20


تقول لِى شنو !


-1-

تقول لِى شنو

وتقولى لِى منو ،

-2-

أنحنَا السَّاسْ

ونَحنا الرَّاسْ

ونحن الدّنيا جبناهَا

وبَنيناها..

بِويت ..فى بِويتْ

وأسْعل جدى ترهاقَا

وخلى الفَاقة .. والقَاقا

-3-

تقول لِى شنو

وتقول لِى منو ،

-4-

تَالا أبوى .. بعنخى لَزَمْ

وتَالا اللُمْ..أَبوىْ أوْلبَابْ

وأمى مهيرة بتْ عبودْ

وأخويا المهدى ..سيد السيفْ

والخلى النصارى تقيفْ

هناك ..فى القيفْ ،

-5-

تقول لِى شنو

وتقول لِى منو ،

-6-

ونحن الشينْ

ونحن الزينْ

ونحن العقبه والعتمور

ونحن القِبله .. والقرعانْ

ونحن الشانْ

ونحن النانْ

أتينا عشانْ

نسوى الدّنيا للإنسانْ

تقول لِى شنو

وتقول لِى منو ،

-8-

ونحن الصّافى

والوَافى ،

ونحن الشّافى

والكافِى ،

ونحن الزادْ

ونحن العِينه

والزِيّنه ،

ونحن – يمين – أهالينا

أهلى سرورْ

ووكَتين ينزل المستورْ

تَرَانَه النور

-9-

تقول لِى شنو

وتقول لِى منو ،

-10-

ونحن الجبنه واللبريقْ

ونحن قداحنا سَاوات ضيقْ

ونحن بيوتنا مفتوحاتْ

مَسَاىْ .. وَصباحْ

ونحن وشُوشنا

مطروحاتْ

مَسَاىْ وصباحْ

ونحن السَمحه

والقَمحه

ونحن الطله .. واللمحه ،

ونحن الصِيدْ

ونحن العيدْ ،

-11-

تقولى لِى شنو

وتقولى لِى منو ،

-12-

ونحن عُزَازْ

ونحن حَرَازْ

ونحن هَشَابْ

ونحن قُمُوحْ

ونحن تُمُورْ

ونحن عُيُوشْ

ونحن النيلْ

وَكضَاب – يا زويل – منْ قالْ

إنّك .. تانى لينا متيلْ ،

تقولى لِى شنو

وتقولى لِى منو ،

-13-

ونحن الحَجه والتوبه ،

ونحن الهِجره .. والأوبه ،

ونحن كُتَارْ

ونحن كُبَارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

-14-

تقول لِى شنو

وتقول لِى منو ،

-15-

ونحن مِحايه

نحن طِرايه

نحن فِدايه

نحن سِمايه

نحن حجاب

ونحن اللوحْ

ونحن شَرَافه فى الدنيا

ونحن كِتاب عِلمْ مفتوحْ

على كل البُلودات ..نُورْ ،

ونحن – يمين – مَداين نورْ ،

ووشنا نورْ ،

-16-

تقول لِى شنو

وتقول لِى منو ،

-17-

ونحن الحِنه والجرتقْ

ونحن الزفه والسيره ،

ونحن ..أبشرى والشبال ،

ونحن السَىْ

ونحن الوَىْ

ونحن الرقبه .. والتُمْ تُمْ

ونحن اللَمْ ..

يكون فى الدنيا ..متلنا ..لمْ

-18-

تقولى لِى شنو

وتقول لِى منو ،

-19-

ونحن العَاجْ

ونحن الصَاجْ

ونحن البوشْ

ونحن الحوشْ

ونحن الناسْ

وكتين الديارا ..يباس

وإن درت العديل والزين

تعال يا زول ،

وإن كست الكعب والشين

أرح .. يا زول

-20-

تقولى لى شنو

وتقول لى منو ،

-21-

ونحن السورْ

ونحن الحُورْ ،

ونحن بناتنا محروساتْ

ونحن وِلادنا ضُلالاتْ

ونحن أُماتنا ياهِنْ ..ديلْ ،

وجِيب ورينى زيىِّ منو ،

وتقول لِى شنو

وتقول لِى منو ،

-22-

ونحن فَزَعْ

ونحن وجَعْ

ونحن اليُمه ..واليَابَا

ونحن أريتو بالتَابَه ،

ونحن – يمين – إذا حَرّتْ ،

نخلى الواطه ..رُقَابه ،

-23-

تقولى لِى شنو

وتقولى لِى منو ،

-24-

ونحن زَغَاوه والعطرونْ

ونحن الدُونَا ..مافيشُ دونُ

ونحن وِلاد مَلك خِرتيتْ

وسَابَ الجرْ

وحجَر السِكه ،

والتاكا ،

وسيّدنا الفى الجبل ..دَاكَا

ونحن – يمين – نضِمنا كُتُرْ

وشيَتنا كُتُرْ

وأسعَل ناس كَرن والطُورْ ،

وأسعَل كَررى .. والعَتْمُورْ

وأسعل – يا جنَاَ – الخرتُومْ ،

وشوف كيفن زعلنا كُتُرْ ،

وشوف كيفن فرحنا كُتُرْ ،

أنحنا الـ للرجال خُوسَه ،

ونحن –يمين – جِنَات موسى ،

-25-

تقولى لِى شنو

وتقول لِى منو ،

-26-

ونحن الدوكه

والضُلاله ، والدونكه ،

ونحن الدانقه ،

والراكوبه ، والواطه ،

ونحن الفَكَه

والشِبكَه

ونحن الحجزه .. والعكَه ،

ونحن الجُودْ ،

ونحن أسودْ ،

ونحن النَانْ ،

حديثنا إذا أرِدتو رُطَانْ

وحين دايرين ..نسوى بَيَانْ ،

-27-

تقول لِى شنو

وتقول لِى منو ،

-28-

ونحن الخَلوهَ والدايره ،

ونحن تَكيه العايره ،

ونحن الضُّلْ ،

ونحن الكُلْ ،

ونحن سبيل غريب الليلْ ،

ونحن صباح مسافر الليلْ ،

ونحن فَنَاجرةَ الدّنيا ،

ونحن حَبَابْ

حديثنا حَبَابْ

تعال شَرِف .. وشوفنى منو ،

وتقولِى شنو ،

وتقولِى منو ،

-29-

أقيف لِسَعْ

وأقيف وأسمعْ ،

ونحن صديرى منضوم ويلْ

ونحن القَرمصيص ..بلحيلْ ،

ونحن التوبْ

ونحن الووبْ

وناس حبوبْ

وناس حَرّمْ

ونحن إذا رأينا كبيرْ

نقيف طولنا ..ونقولْ لُه ..حَبَابْ

ونديه البُكَان ..ترحابْ

ونحن. اليَانَا ديل .. يا زولْ

وتسعلنى .. وتقول لِى منو

وتقولِى شنو ،

-30-

أقيف لسعْ

وأقيف .. وأسمعْ

ونحن التَايَهْ

والاندايَهْ

والزِريعهْ

والعيزومهْ

واتفضلْ ،

ونحن الرايَه مرفُوعه

ونحن الكُلفَه مرفُوعه

ونحن حلفتَ ... مدفوعه

-31-

تقول لِى شنو

وتقول لِى منو ،

-32-

وأما عجيبْ

وأما غريبْ ،

وأقيف لسعْ

وأقيف .. وأسمعْ ،

-33-

أنا الكَعَب البسوى الويلْ

وأنا الزول السَمِحْ ..بلحيل ،

وداير ..منَِّهُمْ .. يَاتُو ..،

تقولى لِى شنو

وتقول لِى منو ،

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل خياري
 
 
avatar

عدد المساهمات : 4004
تاريخ التسجيل : 25/04/2010

مُساهمةموضوع: رد: تقول لِى شنو !    الإثنين 29 أبريل 2013 - 7:30

ألف شكر ياضاوي
كلام مافي منو
وأبوي المهدي سيد السيف الخلا التصاري تقيف هناك في الفيف








اللهم اجعل اخر كلامي لااله الا الله


عدل سابقا من قبل عادل خياري في الإثنين 29 أبريل 2013 - 17:46 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل خياري
 
 
avatar

عدد المساهمات : 4004
تاريخ التسجيل : 25/04/2010

مُساهمةموضوع: رد: تقول لِى شنو !    الإثنين 29 أبريل 2013 - 7:39

بصوت الحردلو عليه الرحمة










اللهم اجعل اخر كلامي لااله الا الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزالدين حسن محمد
 
 
avatar

عدد المساهمات : 1286
تاريخ التسجيل : 09/10/2011
العمر : 48
الموقع : السعوديه..... الطائف
المزاج : في نعمة كبيرة من رب العالمين

مُساهمةموضوع: رد: تقول لِى شنو !    الإثنين 29 أبريل 2013 - 10:30

لك التحية اخي محمد ابداع في ابداع والرحمة والمغفرة لشاعرنا الفذ سيد الحردلو وتحياتي لك مبدعنا دوما ود خياري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohammed.eldawi
 
 
avatar

عدد المساهمات : 140
تاريخ التسجيل : 12/04/2013
المزاج : الحمد لله على كل حال

مُساهمةموضوع: رد: تقول لِى شنو !    الثلاثاء 30 أبريل 2013 - 6:09

السلام عليكم و رحمة الله و بركاته

اخى عادل ما شاء الله ذوقك رفيع
اخى العزيز عزالدين انتم اهل الابداع و الذوق الراقى و الرفيع
رحم الله شاعرنا الكبير
الابداعات السودانية كثيرة جداً هذا يتطلب منا فى كل موقع و كل محفل محلى او اقليمى او دولى ان نهتم بنشرها و التعريف بأصحابها و الله ولى التوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

تقول لِى شنو !

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء منطقة الهدى :: المنتديات الأدبيه :: الشعر والنثر-
انتقل الى: