منتديات ابناء منطقة الهدى

اهلا بك ايها الزائر الكريم شرفتنا ونورتنا يزيارتك.
ملحوظه : عند التسجيل الرجاء كتابة الاسم الحقيقى كاملا
(لا للاسماء المستعارة من اجل مزيدا من التواصل)
و نرجو ان تجد ما هو مفيد


مرحبا بك يا زائر نور المنتدى بوجودك
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

معا لترقية مستشفي الهدى معا لترقية مستشفي الهدى معا لترقية مستشفي الهدي معا لترقية مستشفي الهدى

المواضيع الأخيرة
            goweto_bilobedلكم التحية اين انتمالثلاثاء 18 يوليو 2017 - 4:15 من طرف عزالدين حسن محمد            goweto_bilobedعودة بلا خروجالسبت 30 أبريل 2016 - 14:06 من طرف صديق الماحي            goweto_bilobedسلام مربع السبت 30 أبريل 2016 - 14:04 من طرف صديق الماحي            goweto_bilobedد/تهاني تور الدبة تدق أخر مسمار في نعش مشروع الجزيرةالخميس 25 فبراير 2016 - 1:14 من طرف عادل خياري            goweto_bilobedمعا لترقية مستشفي الهدىالأربعاء 10 فبراير 2016 - 17:58 من طرف عادل خياري            goweto_bilobedهل يمكن رجوع المنتدي لي عهده الأول الثلاثاء 9 فبراير 2016 - 0:21 من طرف عادل خياري            goweto_bilobedالدلالات الرمزية في مختارات الطيب صالح: "منسي: إنسان نادر على طريقته!"الإثنين 26 أكتوبر 2015 - 18:22 من طرف الصادق احمد محمد امام            goweto_bilobedتحية بعد غيابالسبت 24 أكتوبر 2015 - 5:17 من طرف صديق الماحي            goweto_bilobedتهنئة بعيد الأضحى المباركالجمعة 25 سبتمبر 2015 - 20:00 من طرف صديق الماحي            goweto_bilobedشباب المنتدى المستشفى يناديكمالأربعاء 16 سبتمبر 2015 - 18:36 من طرف عادل خياري            goweto_bilobedتوحيد خطبة الجمعه لنفرة المستشفىالأربعاء 16 سبتمبر 2015 - 18:20 من طرف صديق الماحي            goweto_bilobedدكتور اسلام بحيرى وتغيير الفكر الدينى السبت 15 أغسطس 2015 - 5:16 من طرف صديق الماحي            goweto_bilobedمعقولة بس ... فى ناس كدة الخميس 13 أغسطس 2015 - 12:38 من طرف عادل خياري            goweto_bilobedيعني نسيتنا خلااااصالخميس 13 أغسطس 2015 - 12:35 من طرف عادل خياري            goweto_bilobedبيت البكى ااااااااااالثلاثاء 4 أغسطس 2015 - 6:59 من طرف عزالدين حسن محمد            goweto_bilobedالحاجه فاطمه بت النذير في ذمة اللهالثلاثاء 4 أغسطس 2015 - 6:49 من طرف عزالدين حسن محمد            goweto_bilobedمتجرسيييييييييييييييييين رمضان الإثنين 13 يوليو 2015 - 12:03 من طرف صديق الماحي            goweto_bilobedحقيقة الكيزان الثلاثاء 7 يوليو 2015 - 0:55 من طرف صديق الماحي            goweto_bilobedشتان مابين رمضان هنا ورمضان هناك الأربعاء 1 يوليو 2015 - 22:08 من طرف صديق الماحي            goweto_bilobedشمس رمضان دي اظنهاالسبت 20 يونيو 2015 - 18:31 من طرف عادل خياري

شاطر | 
 

 قصيــــــــــــــــــــــدة القرنتية - هاشم صديق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مضوي عبدالرحمن
 
 
avatar

عدد المساهمات : 1564
تاريخ التسجيل : 24/09/2010
العمر : 50
الموقع : الهدي -حي البان
المزاج : هاااااااااااااااااااااااااااااااااااااادي

مُساهمةموضوع: قصيــــــــــــــــــــــدة القرنتية - هاشم صديق   الخميس 24 نوفمبر 2011 - 18:10


قرنتية … ما غواصة روسية
قرنتية ..
لا دبابة برمائية .
لا جاسوسة مدسوسة .. لا غواصة روسية .

لا جندية في "حركة" .. لا مختلسة مال شركة .
لا قصفت حدود "فشَلا" .
لا كسرت صريف كسلا .
لا معروفة ختمية .

قرنتية ..
لا صعلوقة لبست "شورت" .
لا بتعرف شنو البظبورت .
لا محتاجة جنسية .
هي قايلة النيل سقِف بيتها ..
وقايلة ضِفافو "محمية" .
جات منسابة عز الصيف ..
قايلة الناس بِكِرمو الضيف ..
وقايلة النيل أمان والقيف ..
وقايلة "الحاضرة" عصرية .

قرنتية ..
جات بصغارها دايرة الخير .
لا شافت يٍفَط تحذير .
لا نزحت تكوس توزير .
لا جاطت حركة السير .
لا دارت وسام تقدير .
لا مستلفة عشرين وش .
ولابتعرف تعيش بالغش .
كان محتاجة بس للقش .
وجات أحلامها دوغرية .

قرنتية ..
لا بلعت عديل السوق .
لا نضمت بدون طايوق .
لا كنزت دهب أو ماس .
لا ظلمت بدون احساس .
لا عصرت شباب الناس .
لا كتمت على الانفاس .
لا قطعت عشم بي فاس .
لا داستنا زندية .

قرنتية ..
لا دست سلع في الخيش .
لا شربت مريسة عيش .
لا ضبطوها في التفتيش .
لا خانت قسم او ديش .
لا اجتمعت "بمستر جون" .
لا أكلت "مؤنة العون" .
لا سدّت علينا الكون .
لا سبت كتاب أو دين .
لا سامتنا حمرة عين .
ولا باعتنا ضهرية .

قرنتية ..
جات مشتاقة للخرطوم .
تزور أحبابها خايفة اللوم .
تصيح وتنادي بالحلقوم :-
"جنينة النزهة" وين يا زول .
"جنينة النزهة" وين يا زول .
………………………
لقت حال الجنينة خلا .
حليل زمنها وحليل أهلها .
لا قرنتية .. لا أصلة .
لا صوت ككّو .. لا بغلة .
لا حلوف .. لا أسداً مهاب بالخوف .
لا نمراً يشد للشوف .
لا ضل فيل .. لا تيتل جريهو جميل .
ولا غزلان .. ولا طاؤوس يباهي النيل .
لا زفة طيور ونعام .
لا نمراً دفر قِدّام .
كل الشُلّة ياقرنتية غمضة عين ..
أحالوهم لصالح عام .
تقول الدنيا "مهدية" .

قرنتية ..
جات زي ضيفة ما غارة .
لا محتاجة لي فيزا .. ولا تصديق على زيارة .
جات والشوق دموع حارة .
تجدد في العيون الشوف .
بين توتي وعلالي أبروف .
قايلة الدنيا لسة سلام ما خيم زمان الخوف .
لسة هناك ضفاف حرة .
ما مطمورة للمُرّة .
قايلة الناس بعزو الضيف .
ما بسوقوهو لي حفرة وجوار القيف .
ما بياكلوهو في الصفرة ومصيرو مخيف .
قايلة الحاضرة ما غابة .
وقايلة حقوقها محمية .

قرنتية ..
لا قدلت في شارع القصر .
لا حامت في وكت الحظر .
لا خشت على المأمور .
ولا نطت سلك أو سور .
لا دخلت على أمد رمان .
ولا كسرت قفل دكان .
لا دفرت على التلفاز ..
ولا عضّت كراع فنان .
لا ذاعت بيان للناس .
لا احتلت كمان "حيشان" .
ولا نصبت شبك للحشّ .
جات بصغراها كايسة القش .
تلاقي القوت صبح محظور .
وخير البقعة جوة السور .
سماحة الدنيا منسية .

قرنتية ..
لا بتعرف عجن أو لخ .
وجات احلامها دوغرية .
عجب … ساقوها جوة الفخ .
عجب … من طولها وقعت تخ .
عجب … سلخوها صبحية .
عجب … ونحنا بنسلخ الانسان ..
كيف ما نغدر الحيوان .
عجب … والدنيا عصرية ؟!

قرنتية ..
لا دبابة برمائية ..
لا جاسوسة مدسوسة ..
لا غواصة روسية ..
لا جندية في حركة ..
لا مختلسة مال شركة ..
ولا حزبية بعثية ..
قرنتية !!!

هاشم صديق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمارعبدالله التلب
 
 
avatar

عدد المساهمات : 106
تاريخ التسجيل : 02/11/2011
العمر : 35
الموقع : الخرطوم بحري
المزاج : الحمدلله في نعيم

مُساهمةموضوع: رد: قصيــــــــــــــــــــــدة القرنتية - هاشم صديق   الخميس 24 نوفمبر 2011 - 18:49

لك التحيه حبيبنا مضوي والله ذينت المنتدي بجدعاتك الحلوه لإختيارك الاشعار الجميله ودائمآ عودتمونا علي الابداع
ولك احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مهند الأمين عبد النبي
 
 
avatar

عدد المساهمات : 1286
تاريخ التسجيل : 13/06/2010
العمر : 41
الموقع : ام درمان امبدة
المزاج : السعيد هو المستفيد من ماضيه المتحمس لحاضره المتفائل بمستقبله

مُساهمةموضوع: رد: قصيــــــــــــــــــــــدة القرنتية - هاشم صديق   الخميس 24 نوفمبر 2011 - 19:05

بسم الله الرحمن الرحيم
قرنتية
رباح الصادق

حينما كتب الأستاذ هاشم صديق عن القرنتية، منعت الرقابة الصحفية نشرها فكان ذلك المنع بمثابة شرارة أطلقت على الهشيم، انتشرت القصيدة، ولما قرأتها اعتبرت ما عرض عليه من وصف سوء الحال "تقول الدنيا مهدية" حموضة لا بد من قبولها وكل الأوساط المثقفة تتعمد النيل من المهدية، وهللت لجمال القصيدة. ثم لما اطلعت على قصائد شعرائنا محمد صالح المجذوب والمكي مصطفى وغيرهما دب في داخلي الإحساس..


صحيح يا أبو العلاء لو كان دهر هازل لتصبح جاد
ويا ابو الطيب الفمّ المريض جحّاد
يضوق عسل النحل محمض
والفي قلبو حبة غرض
تكون لي روحو قُبّة مرض
وقالوا الزاملة هي النية
هوشن جاب عاد
تحرير البلد من غازي
لي وأد الحلم بالضبة والنبوت
وشن جاب عاد
توحيد البلد لي فصلها المثبوت
وشن جاب عاد
شهقة تشرشل الشاهد
على العزة الحماسية
لي استخفاف جنى العم توم
بي تهديد عذاب وارد من الخرطوم
وكل الشنشنة النية
شن جاب عاد
تجديد دينا بث الروح
لي اخلاقنا لما تروح
ورفعة راس نجومي وكاد
ما بتشبه سلو الجلاد
ولا دود الخلا زي ديب
ولا النيتو المتيلة لعيب
ولا الهبماتة مهدية
***
قرنتية
سودانية أصلية
وفي طبل أمبكان الكان
تسوّي مع المقاديم
عرضةً تحجل كراس مية
تدندن بي سير شيكان
وغصّة كرري والشكابة والمولد-
كتلة مارس النادّين فروسية
وكان الحادي زاد ألحان
أبا- يوليو- وأكتوبر..
رجب- شعبان
وكل تاريخها في ألحانو مروية
***
قرنتية
يونيو المر ليه سنين
يبّس عودا واتحكر
طال الليل عليها ومنو ما بتقدر
شافت آخر النفاج
كأنو على الدرب إبلاج
جات تكشف بعينيها وتزيل الضر
قدلت مارقة تحت الحر
هجير يا زول طغى ودفّر
مرت بي قيوف أم در
غشت أبروف
مشت ومشيها ما مألوف
وطت مسكينة فوق زرعا بدا ينوّر
وسيدو كمان أكان مسكين
مأمّل في الزرع يكبر
يسدد دين يجيب كسرة
فاتورة سماد أرضو- لبس المدرسة الراجيه-طهور أولادو-
قفة زادو .. لي بكرة
حساب جية قرنتيتاً تدوس أحلامو
ما خاتيه بالمرة
وما بين كبدةً رطبة
وبين إنسان شقاه يروح
مع الحالة البقت كعبة
تكون حفرة مزارعي القيف
خيار أمرين حلوهم مر
ووقعت كر
خبت روح القرنتية
***
قرنتية وبلد فيها الكلام بحساب
بكت بي عين
عليها وعين تطاعن في شريعة الغاب
رقيبنا ارتاب
وقف مرصاد لكل كتّاب
وما عارف حروف الكلمة لو مسكت على الورقة
تطيش كالنار في نص القش
لا بتتضارى لا بتنهش
وزي ديناميت مولع نار
ما بتحامى بالدرقة
لا بنفع حِجِر لا دس
بلادنا جرت على سيرة القرنتية
بلادنا قرت بكل القلب أنشودة القرنتية
لقت وسط العسل سما ضرب لي قلبنا
ما قادر بعيدو يفيق
لقت الزول أساسو رفيق
وزولا شاف فداحة الضيق
شيطان شعرو بلع الريق
مصمم يكمل التحقيق
.. وضلّ طريق
هجر عرق المزارعية
عزل صفّ القرنتية
وشان ما يدوس على زندو
ويوجه طلقة لي الضدو
وقف بين بين
وسمّ على العديل والزين
ضبح جدّو
وما أدراك ما جدّو
كأنو العوجة مهدية
نسى التاريخ
نسى الجغرافيا والآداب
لعلو سهى،
ولعل مشيو انبدل كغراب
جّرد سيف على طاحونة الكيشوت
بعد بردت لشايت شوت
وصارت الجمرة نص حية
***
وكانت الجمرة قايدة حرق
غمتنا الجمرة بي كفا تخين صبار
ولما الناس بكت ضحكا بقى محظور
كان محظورة صلواتنا
كان فرشتنا فوق النار
شراتي الأمنِ بينا تدور
تشمشم فينا زي كلب الحرامية
وكان محظور نكون وتكون حكاياتنا
ملينا زنازن الجبّار
وعشنا على الملح وصوالح الأذكار
وقولة الحق
وما قال عودنا أبدا طق
وكل ما يجزو فينا تزيد
مكان الجزة نهضاتنا
نكون أقرب لغاياتنا
خطبنا تقيد لبلدي منار
بقيعنا القبلة للثوار
ولمن شالو من الناس حقوق نشرة
كان شالولنا سقف أولادنا-
بخسة زادنا-
واقتادونا للأشباح على الفكرة
غمتنا الجمرة بي كفا تخين صبّار
وما همانا لو آخرنا يبقى ودار
ما خايفين على الجسد النهايتو دمار
ولا الروح البراها بوزع الأعمار
خوفنا منالله-
من عزة التكون مورودة مردية
مرقنا شرق
قيامنا الليل ويومنا خنق
مرقنا وجبنا حق القول بزندية
رجعنا وقنا شان الضو
وشان تجبد خيوتو خيوت
نصل يبلج فجر فاضح وما مغموت
لقينا الزول بسن قلمو وبناضل يوت
وفي ملحمتو سوّى الفوت
قرن طعم الحيا بالموت
وساوى الدقسة بالهبة الحضارية
صحيح يا ناس
أليمتن ضربة بتجيك في الوجدان
بيد فنان بعرف الطعنة لما تصيب
صحيح يا ناس
قبيحتن سقطة الأطواد
ولما الحادي وترو يخيب
يسب أحلامنا دون تهذيب
يسوم تاريخنا والأمجاد
يخلّط بين قمر وقّاد
وأب قرشين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مهند الأمين عبد النبي
 
 
avatar

عدد المساهمات : 1286
تاريخ التسجيل : 13/06/2010
العمر : 41
الموقع : ام درمان امبدة
المزاج : السعيد هو المستفيد من ماضيه المتحمس لحاضره المتفائل بمستقبله

مُساهمةموضوع: رد: قصيــــــــــــــــــــــدة القرنتية - هاشم صديق   الخميس 24 نوفمبر 2011 - 19:07

بتبكي علي القرنتية؟؟!!


(تعقيب على قصيدة (قرنتية) للأستاذ / هاشم صدّيق)

بتبكي على القرنتية
عجيب و غريب
عيونك في عيون الفيل
و تطعن في القرنتية
##
صحيح كتلوا القرنتية
(وليدات ناس رحـمـطلّة) 1
لأنها شالت الغلّة
لأنها فلّت الحلة
لأنها أمّمت يلّة
و ضوّقت الخلق ذلة
و صادرت الزرع جملة
ولا خلّت قدُر حلّة
لأنها جد أنانية
و في الآخر
و بالنية
مشت بي هبّة شعبية
زي اكتوبر
ترابية
وزي يونيو
قبل ما تبقى قهرية
قبل سووها جبرية
##
صحيح كتلو القرنتية
لأنُّم شافوا منها الويل
و إنها جات بتدبير ليل
زي (رمضان) ـ (صَفَر) 2
.. تبديل
زي السرّاق
وزي السيل
و زي خيل العدو البتشيل
زي الحُمّى
التّـهدّ الحيل
هي من النيل
و ما شالت
طبايع النيل
شالت بس
طبايع ديل
الطعنوا الضل و خلّوا الفيل
طبايع ناس (ولد كورييل)3
و ماتت إنتهازية ..
##
و هاك الجد ..
##
تكتل الناس
(سنة 70 )4
و تبكي على قرنتية
تبيد الناس
ترشها رش
تحشها حش
تكشها كش
بعد سميتها (رجعية) 5
و تبكي على قرنتية
(محمد صالح )6 الدكتور
معاهو (الهادي)7 ضهرية
معاهم كم
و كم آلاف
تِحِت دبابة روسية
وفوقهم (غارة
مصرية ) 8...
و تلك الغارة ما خلّت
وِليداً
تبّ يادوبو
و لا كهلاً
بعد ما صلّى
لبّس رجلو مركوبو
و لا خلّتلو فروة (تيلو) 9
لا مسبحتو .. لالوبو
و في الخرطوم
بترقص بت
شويعية
مشبّعة (فودكا) (موسكية)
معاها ولد
بعد 30 ..
جا يبكي على قرنتية !!
##
(( أن نقتل
أصبح أسهل
من إلقاءِ تحية
أن نُطلق
في الرأس رصاصة
أن نغرز في الصدر الخنجر
أن نمسح حد السيف
بحدِّ اللحية
أصبح يا سيدنا ..
أسهل من إلقاء تحية ))10
يمين و يمين
دا ما بننساهو يا لينين
دا قولكم في سنة 70
و تبكوا على قرنتية !!!
##
(بلل)11 شِن سوّا في (النيلين)12
(بلل) و (اللقرع)13 المسكين
و (ود عبد الحكم)14 قبلين
(وداعة الله) 15
البجهِّز للعديل و الزين
عشان يدّي البلد
قمحاً ووعداً
من بنات و بنين
بقت ليهو النهاية
فِجامعة (أهلية)
على إيداً (ملاحدية)
ملطخة بى
دموم الناس
دموع الناس
و تبكي على
قرنتية..
##
سنة 70
فِرِت سنةً حكمتونا
و كتمتونا
بقت زي علبة التونا
البلد ديّة
##
صحيح ساقوها
لى حفرة
و لكن إنتوا
سقتوا الناس
(سنة 70 و ست سنين ) 16..
إلى (حُفَرَاً جماعية)
دفنتوهم كمان حيين ..
و تبكي على قرنتية !!!
##
أبكي على الغلابة كِزِب
و قول (ابرول )
وقول (شاكوش)
وقول (منجل)
و غش بيهم وليدات الغلابة كِزِب ..
عشان تحكم
تسوّي (حِزِب)
فقط
خلي القرنتية ..
##
عرفنا الناس
بعَبْدوا حجر ..
و ناس تانين
بِعَبْدوا شجر
و ناس تالتين
بعبدوا حشَر
و ناس رابعين
بعبدوا بشر
و ناس خامسين
بعبدوا بقر
و يا عجباً على ناساً
لقت أحسن ..
قرنتية ..
##
عجيب و غريب
بعد نَفْقَ القرنتية
بقت دبابة برمائية !
بقت جاسوسة مدسوسة ..
بقت غواصة روسية
بقت جندية في (حركة)
بقت ( م . ن )17
شيوعية ..

أبو سليمان
2001م
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل خياري
 
 
avatar

عدد المساهمات : 4004
تاريخ التسجيل : 25/04/2010

مُساهمةموضوع: رد: قصيــــــــــــــــــــــدة القرنتية - هاشم صديق   الجمعة 25 نوفمبر 2011 - 1:26

سلام الاستاذين
مضوي
ومهند
ولا اجمل سجال
واصلوا ومنتظرين








اللهم اجعل اخر كلامي لااله الا الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 

قصيــــــــــــــــــــــدة القرنتية - هاشم صديق

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء منطقة الهدى :: المنتديات الأدبيه :: الشعر والنثر-
انتقل الى: